«Жалпы білім беретін мектептерде инклюзивті білім беруді және үйден оқытуды ұйымдастыру»

«Жалпы білім беретін мектептерде инклюзивті білім беруді және үйден оқытуды ұйымдастыру»

Мақсаты-ерекше білім беру қабілеті бар балаларды оқыту жұмысының ұйымдастырушылық және әдістемелік негіздерін ашу.

Курстың міндеттері -

1. Сапалы білім алу үшін нормативтік-құқықтық актілермен, құжаттамамен таныстыру.
2. Үйден оқитын балаларды оқытудың ұйымдастырушылық және әдістемелік жұмыстарын ашу.
3.  Инклюзивті білім беру жұмысын ашу

Жалпы білім беретін мектептерде инклюзивті білім беруді және үйден оқытуды ұйымдастыру

І. Қазақстан Республикасындағы инклюзивті білім берудің нормативтік-құқықтық негіздері

ІІ. Жеке оқытуды ұйымдастыру:

• Үйден оқытуды ұйымдастыру мемлекеттік қызметі қызмет
• Үйден оқыту бағдарламалары
• Қазақстан Республикасының бастауыш, негізгі орта, жалпы орта білім берудің үлгілік оқу жоспарына сәйкес, үйден оқитын оқушыларға сағаттарды бөлу және бұйрықты бекіту
• Оқу жоспарын және сабақ кестесін бекіту
• Үйден оқитын оқушыларға сабақ беретін мұғалімдердің, оқу бағдарламасына сәйкес күнтізбелік жоспарын бекіту

ІІІ. Инклюзивті білім беру жұмысын ашу

Бұл курс ерекше білім беру қабілеті бар балалармен жұмыс істеу кезінде, директорлардың оқу  жөніндегі орынбасарларына және мұғалімдерге ұсынылады. Курс Түзеу педагогикасының ұлттық ғылыми-практикалық орталығының ғылыми-әдістемелік кеңесімен ұсынылған «ЕРЕКШЕ БІЛІМ БЕРУГЕ ҚАЖЕТТІЛІГІ БАР БАЛАЛАРҒА ЖАЛПЫ БІЛІМ БЕРУ МЕКТЕБІНДЕ ПСИХОЛОГИЯЛЫҚ-ПЕДАГОГИКАЛЫҚ ҚОЛДАУ КӨРСЕТУ» әдістемелік нұсқаулықтың авторы педагогика ғылымының кандитаты, доцент, арнайы білім беру лабораториясының меңгерушісі Елисеева И.Г ұсынған  әдістемелік құралына және жеке тәжірибесіне негізделген.

Еліміздің президенті Қ.К. Тоқаев 2020 жылғы 1 қыркүйектегі Қазақстан халқына жолдауында: «Күнделікті мәселелерді шешумен қатар, балалардың бәріне бірдей мүмкіндік туғызу үшін жүйелі шаралар қабылдау қажет. Балаларымыз қай жерде тұрса да, қандай тілде оқыса да сапалы білім алуы керек» деп атап өтті. Сонымен қатар мемлекет басшысы 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауында: «Біздің білім беру жүйеміз қолжетімді әрі инклюзивті болуға тиіс» деп белгілеп өтті.

Инклюзивті білім берудің басты аспектілері соңғы жылдары, елімізде қарқынды түрде дамып келе жатқандығын байқауымызға болады. Бірқатар құжаттар ратификацияланды. Заңнамалық және нормативтік құқықтық актілерге өзгерістер енгізіле отырып, барлық мүдделі тараптардың қатысуымен әртүрлі деңгейдегі талқылаулар іске асырылуда. Мектеп әкімшілігі мен педагогтерге білім беру процесінің қолжетімділігі мен инклюзивтігі туралы қағидаттарын іске асыру үшін, нормативтік құқықтық құжаттарға шолуды ұсынамыз.

Қазақстан Республикасындағы
инклюзивті білім берудің нормативтік-құқықтық негіздері:

1. 1. "Білім туралы" Қазақстан Республикасының Заңы (24.12.2008 ж. өзгерістер мен толықтырулармен)
2. 2. «Кемтар балаларды әлеуметтiк және медициналық-педагогикалық түзеу арқылы қолдау туралы Қазақстан Республикасының 2002 жылғы 11 шілдедегі N 343 Заңы;
3. 3. Қазақстан Республикасында мүгедектердi әлеуметтiк қорғау туралы Қазақстан Республикасының 2005 жылғы 13 сәуірдегі N 39 Заңы;
4. 4. Қазақстан Республикасындағы баланың құқықтары туралы Қазақстан Республикасының 2002 жылғы 8 тамыздағы N 345 Заңы
5. 5. "Білім алушылардың үлгеріміне ағымдық бақылау, аралық және қорытынды аттестаттау өткізудің үлгілік қағидаларын бекіту туралы" Қазақстан Республикасы Білім және ғылым министрінің 2008 жылғы 18 наурыздағы № 125 бұйрығы (өзгерістер бар)
6. 6.Ерекше білім беру қажеттіліктерін бағалау қағидаларын бекіту туралы Қазақстан Республикасы Білім және ғылым министрінің 2022 жылғы 12 қаңтардағы № 4 бұйрығы
7. 7. Білім беру ұйымдарында психологиялық-педагогикалық қолдап отыру қағидаларын бекіту туралы Қазақстан Республикасы Білім және ғылым министрінің 2022 жылғы 12 қаңтардағы № 6 бұйрығы
8. 8. "Психологиялық-педагогикалық қолдау саласындағы жергілікті атқарушы органдар көрсететін мемлекеттік көрсетілетін қызметтерді көрсету тәртібін бекіту туралы« Қазақстан Республикасы Білім және ғылым министрінің 2020 жылғы 27 мамырдағы № 223 бұйрығы өзгерістер мен толықтырулар енгізу туралы Қазақстан Республикасы Оқу-ағарту министрінің м.а. 2022 жылғы 17 қарашадағы № 462 бұйрығы.
9. 9. Жалпы білім беру мектептеріндегі ерекше білім алуды қажет ететін балаларға психологиялық-педагогикалық қолдау көрсету: әдістемелік нұсқаулық  Елисеева И.Г., Ерсарина А.К.

Үйден оқыту және инклюзивті оқыту деген не?

Үйден оқыту- бұл жалпы білім беретін мектептерде денсаулығына байланысты ұзақ уақыт бойы бара алмайтын балаларды үйде жеке тегін оқыту.

Ал инклюзивті білім беру-ерекше білім беру қажеттіліктері мен жеке мүмкіндіктерінің әр түрлілігін ескере отырып, барлық білім алушылар үшін білімге тең қолжетімділікті қамтамасыз ету.